Astana medıtsına ýnıversıtetine Tóregeldi Sharmanovtyń esimi beriledi
ASTANA. KAZINFORM – Memleket basshysy Qasym-Jomart Toqaev medıtsına qyzmetkeri kúnine arnalǵan saltanatty is-sharada salalyq joǵary oqý oryndaryna kórnekti medıtsına qaıratkerleriniń esimin berý bastamasyn quptady.
Eń aldymen, Astana medıtsına ýnıversıtetine «ulttyq ýnıversıtet» mártebesin berý bastamasy sóz boldy.
– Mańdaıaldy otandyq joǵary mektepterdiń biri retinde tanylǵan «Astana medıtsına ýnıversıteti» tsıfrlyq densaýlyq saqtaý men bıomedıtsınany tabysty damytyp keledi. Úkimet atalǵan oqý ornynyń aıqyn jetistikterin eskerip, ol eń joǵary – Ulttyq ýnıversıtet mártebesin alýǵa ábden laıyq dep sanaıdy. Bul usynysty qoldaımyn, – dedi Prezıdent medıtsına qyzmetkeri kúnine arnalǵan saltanatty is-sharada.
Sonymen birge, Prezıdent astanalyq ýnıversıtetke kórnekti ǵalym, otandyq taǵamtaný ǵylymy men profılaktıkalyq medıtsınanyń negizin salýshy, Qazaqstannyń Eńbek Eri Tóregeldi Sharmanovtyń esimin berý oryndy ekenin atap ótti.
– Al Qaraǵandy medıtsınalyq ýnıversıtetine osy oqý ornynyń negizin qalaǵan ári ony uzaq jyldar boıy basqarǵan Petr Moıseevıch Pospelovtiń atyn berý týraly Úkimet pen medıtsınalyq qoǵamdastyqtyń bastamasyn qoldaımyn. Belgili Qaraǵandy medıtsına mektebiniń bastaýynda turǵan áıgili tulǵanyń 125 jyldyǵy qarsańynda mundaı sheshimniń qabyldanýy – tarıhı ádilettilik, – dedi Qasym-Jomart Toqaev.
Aıta keteıik, Aqordada Prezıdent medıtsına qyzmetkerlerin kásibı merekesimen quttyqtady. Elimizde maýsymnyń ər úshinshi jeksenbisi – medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.
Jańa Konstıtýtsııada «ult saýlyǵy» uǵymyna alǵash ret nazar aýdaryldy.
Prezıdent medıtsına qyzmetkerlerine kúsh kórsetken adamdardy qylmystyq jaýapkershilikke tartý týraly da pikir bildirdi.
Sondaı-aq, Memleket basshysy qoǵamdyq oryndarda ádep saqtaý máselesin kóterdi.
Bıyldyń ózinde medıtsına mamandarynyń jalaqysyn ósirýge 33 mıllıard teńge bólingen.
