Astana medıtsınalyq ýnıversıtetine aıyppul salyndy
ASTANA. QazAqparat - Astana medıtsınalyq ýnıversıtetine 1,2 mln teńge aıyppul salyndy, dep habarlaıdy QazAqparat tilshisi.
«Astana» medıtsınalyq ýnıversıteti» AQ QR Ákimshilik quqyqbuzýshylyqtar týraly kodeksiniń 462-baby 3-bóliginde kórsetilgen ákimshilik quqyqbuzýshylyqtarǵa jol bergeni úshin qyzmetin toqtatpastan, memleket kirisine 1 202 500 (bir mıllıon eki júz eki myń bes júz) teńge bolatyn 500 aılyq eseptik kórsetkish kóleminde ákimshilik aıyppul taǵaıyndalsyn», - delingen Astana aýdanaralyq arnaıy mamandandyrylǵan sotynyń qaýlysynda.
Sondaı-aq, qujatta júrgizilgen tekserý nátıjesinde ýnıversıtettiń bilim berý salasyndaǵy zańnama talaptaryn buzýdy joıý boıynsha uıǵarymdy durys oryndamaǵany aıtylǵan.
«QR Úkimetiniń 2012 jyldyń 19 qańtarynda №109 qaýlysymen bekitilgen bilim berý uıymdaryna oqýǵa qabyldaýdyń úlgilik qaǵıdalarynyń talaptary buzylǵan. Osylaısha, QR Ákimshilik quqyq buzýshylyq týraly kodeksiniń 409-baby 7-bóliginde kórsetilgen quqyqbuzýshylyq, ıaǵnı ákimshilik jaza qoldanylǵannan keıingi bir jyl ishinde qaıtalanǵan is-áreket jasalǵan», - dep atap ótti sot.
Sot otyrysynda ýákiletti organ ókilderi ákimshilik quqyq buzýshylyq týraly hattamada keltirilgen dálelderdi tolyǵymen qoldady jáne uıǵarymnyń tolyq kólemde oryndalǵanyn, «Astana» medıtsınalyq ýnıversıteti» AQ qatysty esh narazylyqtary joqtyǵyn jetkizdi.
