Astana medıtsınalyq týrızmdi damytady
ASTANA. 17 mamyr. QazAqparat - Ulttyq medıtsınalyq holdıng Qazaqstandaǵy medıtsınalyq týrızmdi damytýdy kózdeıdi.
Osyǵan oraı búgin holdıng ǵımaratynda elimizdegi týrıstik kompanııalardyń qatysýymen jıyn ótti.
Atalǵan mekemeniń baspasóz qyzmeti taratqan málimetke sáıkes, sońǵy jyldary holdıngke qarasty klınıkalarda emdelgen shetel azamattarynyń sany artyp keledi. Máselen, 2011 jyly 300-ge jýyq sheteldik Qazaqstannyń medıtsınasyna senim bildirip, óz densaýlyqtaryn jaqsartyp shyqty. Olar kóbinese Ortalyq Azııa jáne Reseıdiń batys jaǵynan kelgen azamattar. Osy bastamany ary qaraı jalǵastyrý maqsatynda Astanadaǵy Ulttyq medıtsınalyq holdıng týrıstik kompanııalardyń basyn qosyp, ózine qarasty klınıkalardy kórsetip shyqpaq. Negizgi maqsat - medıtsınalyq týrızmdi damytý.
Aıta keteıik, Astanany damytý máselelerin arnalǵan keńeste Elbasy Nursultan Nazarbaev medıtsınalyq týrızm máselesin erekshe atap ótken bolatyn. Osyǵan oraı, QR Densaýlyq saqtaý mınıstrligi jáne Astana qalasynyń ákimdigine tıisti jospardy ázirleý mindeti júkteldi.
