Astana medıtsına ýnıversıtetinde «Adaldyq dúkeni» ashyldy
Joba Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Astana - adaldyq alańy» jobasy aıasynda júzege asyrylǵan.
Bul jóninde Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen Astana qalasynyń ákimi Baqyt Sultanovtyń «Astana medıtsına ýnıversıteti» AQ jumys saparynda ýnıversıtet rektory Májıt Shaıdarov málimdedi.
«Adaldyq dúkeninde» stýdent qajetti taýardy satyp alyp, arnaıy qorapqa aqshasyn qaldyrady. ıAǵnı, kassalyq apparattyń kómeginsiz jumys isteıdi. Mundaı jobany júzege asyrý jastardyń tárbıesi men adaldyǵyn arttyrýǵa baǵyttalǵan», - dep habarlady atalmysh vedomostvonyń baspasóz qyzmeti.
Sonymen birge, ýnıversıtette stýdentterge qyzmet kórsetetin «e-University» ortalyǵy ashyldy.
«Ortalyq arqyly jataqhanalarda elektrondyq esep júrgizýge bolady, bul óz kezeginde bógde tulǵalarsyz onlaın-júıede bólmelerdi úılestirýge múmkindik beredi. Alık Shpekbaev pen Baqyt Sultanov Ortalyqtyń jumysyn oń baǵalady jáne bul tájirıbeni elordanyń basqa ýnıversıtetteri men kolledjderine taratýdy usyndy», - delingen resmı habarlamada.
