Astana Media Week - tilshilerdiń shyǵarmashylyǵyn shyńdaýǵa úlken múmkindik
Sonymen Qazaqstan men shet elderdegi medıaındýstrııanyń 60-qa jýyq top-menedjeri, 50-den astam prodakshn-kompanııanyń ókilderi, jalpy 2 myńnan astam qonaqty qarsy alǵan bıylǵy jıyn «DIGITAL MEDIA» taqyrybynda ótti. Medıa aptalyq - «Astana Media Week» sharasyn resmı ashylý rásiminde sóz sóılegen elimizdiń Aqparat jáne kommýnıkatsııalar mınıstri Dáýren Abaev osymen ekinshi ret ótip otyrǵan Astana Media Week elimizde ǵana emes, aımaqta da medıa naryqty qalyptastyrýǵa jáne odan ary damytýǵa serpin beretindigine senimdi ekendigin basa aıtty.
«Óıtkeni elordamyzdyń tórinde qazaqstandyq buqaralyq aqparat quraldary ókilderinen bólek, sheteldik áriptester de óz oılaryn ortaǵa salady. Bul sharanyń negizgi maqsaty - otandyq medıa naryqty jan-jaqty damytý ǵana emes, mádenı jáne aqparattyq baılanystardy da tereńdetý. Baılanysy myqty memlekettiń qorǵanysy da qýatty», - dedi ol.
Mınıstrdiń aıtýynsha, Astana Media Week-ke qatysýǵa nıet bildiretin memleketter sany artyp keledi. Sebebi, buqaralyq kommýnıkatsııalar qoǵamdyq damýdyń basty komponenti bolyp sanalady. Al osy saladaǵy mamandardyń jumysy aqparattyq landshaftty ózgertip qana qoımaı, saıasattan bastap aýyl sharýashylyǵyna deıingi barlyq salalarǵa serpin berip otyrady.
«Osy oraıda ózekti máselelerdi der kezinde talqylap, aldaǵy jumys josparyn pysyqtap otyrǵan jón. Sol sebepti Astana Media Week-ke jýrnalıster ǵana emes, sarapshylar, PR mamandar jáne sheteldik qonaqtar da shaqyrylyp otyr. Barlyǵy 2 myńnan astam adam bar. Máselen, osydan bir jyl buryn Astana Media Week aıasynda alǵash ret prodakshn kompanııalar úshin kontent market uıymdastyryldy. Sonyń arqasynda respýblıkalyq arnalar jańa áriptes tapty. Osy jolǵy kontent marketke 18 respýblıkalyq jáne aımaqtyq arna ónimderi shyǵarylady. Oǵan Belarýs, Túrkııa, Reseı men Ózbekstan ókilderi qatysady. Sondyqtan da bul aptalyqtyń qatysýshylar úshin ozyq tájirıbelermen tanysyp, pikir almasyp, shyǵarmashylyq sheberlikterin shyńdaýǵa, jańa texnologııalardy el ıgiligine jaratýǵa berilgen úlken múmkindik ekenin eskereıik», - dedi Dáýren Abaev.
Medıa-aptalyq aıasynda «Kontent-market» kórmesi ashylyp, oǵan respýblıkalyq jáne óńirlik telearnalar, elimizdiń barlyq óńirlerinen keletin prodakshn-kompanııalar, jetekshi vendıngtik kompanııalar qatysty. Shara aıasynda jańa telebaǵdarlamalardyń, realıtı-shoýlardyń, mýltfılmderdiń, kórkem fılmder men derekti fılmderdiń tusaýkeseri retinde pıtchıng júrgizildi. Sondaı-aq, medıa-aptalyqtyń birinshi kúni Media Talks pikirtalas alańy jumys istep, oǵan ártúrli qyzmet salalarynyń jetekshi mamandary qatysty. Tok-shoý formatynda ótken shara barysynda «Bolashaqtaǵy kásipter» taqyryby jan-jaqty talqyǵa tústi.
«Óńirlik BAQ forýmy» tájirıbe almasýdyń turaqty alańyna aınaldy
Aptanyń ekinshi kúninde «Óńirlik BAQ forýmy» ótkizildi. Oǵan medıa salanyń bedeldi sarapshylary tsıfrlyq BAQ transformatsııasy saýaldaryn, kontent naryǵyn, óndirisi men dıstrıbýtsııasy qandaı bolatynyn, Qazaqstanda medıa saýattylyq pen medıa bilimniń damý máseleleri men bolashaǵyn, ári otandyq mass-medıa qyzmetine qatysty zańnama salasyndaǵy reformalardy talqylady. Bul kúni de Aqparat jáne kommýnıkatsııalar mınıstri Dáýren Abaev forým jumysynyń ashylý rásimine arnaıy kelip, qatysýshylardyń jumysyna sáttilik tiledi. Dáýren Áskerbekuly memlekettik múddeni halyqqa jetkizip, qoǵamdaǵy ózgeristerge saı kózqaras qalyptastyrýda aımaqtyq medıanyń mańyzy zor ekendigine, osy oraıda qazirgi kúni óńirlik aqparat quraldarynyń aldynda úlken maqsat-mindetter turǵany basa aıtty. «Ol - Memleket basshysynyń tapsyrmasymen júzege asyrylyp jatqan saıası, ekonomıkalyq jáne rýhanı jańǵyrý jónindegi keshendi reformalarǵa jurtshylyqty jumyldyrý», - dedi mınıstr.
Munan ary ol ótken jyly alǵashqy forýmda aımaqtyq aqparat quraldary tarapynan birqatar másele kóterilgenin, Aqparat jáne kommýnıkatsııalar mınıstrligi usynystardy zerdelep, aımaqtyq medıa sapasyn arttyrý boıynsha birqatar sharalardy iske qosqanyn basa aıtty.
«Atap aıtqanda, Aqparat jáne kommýnıkatsııalar mınıstrligi qazirgi efırlik-tsıfrlyq aqparat, teleradıohabarlardy taratýdy uıymdastyrý jumystaryn júrgizip jatyr. Aımaqtyq forýmnyń kózdegen taǵy bir maqsaty - el turǵyndarynyń medıa saýattylyǵyn arttyrý, medıa mádenıetin qalyptastyrý. Jalpy, aımaqtyq jýrnalıster tarapynan osyndaı máseleler kóterilip, onyń belgili bir deńgeıde sheshimin tabýy forýmnyń paıdaly tusyn ańǵartady. Aldaǵy ýaqytta aımaqtyq forým ózara pikir men tájirıbe almasýdyń turaqty alańyna aınalady dep senemin. Aqparat jáne kommýnıkatsııalar mınıstrligi óńirlik mass-medıanyń sapasyn arttyratyn kez kelgen bastamany qoldaýǵa ázir»,- dedi Dáýren Abaev.
Óńirlik forýmǵa spıker retinde qatysqan «Aıqyn» gazetiniń bas redaktory Nurtóre Júsip dástúrli buqaralyq aqparat quraldary gazetter, jýrnaldar naryq jaǵdaıyna tótep bere ala ma, ómir súre ala ma, bolashaǵy qalaı bolady degen saýaldar tóńireginde oı órbitti. Sonymen qatar ol qazaq sóziniń qaınaryn saqtap otyrǵan gazetter men jýrnaldar ekendigine basa nazar aýdardy. Al QR Aqparat jáne kommýnıkatsııalar mınıstrligi Aqparat komıtetiniń tóraǵasy Erjan Núkejanov qazaqstandyq baspasóz mazmun emes, taqyryp berýmen aınalysyp ketkendigin atap ótti.
«Adamdar ınternetke kirgende 8 sekýndtyń ishinde aqparat ala almasa, onda shyǵyp ketedi. Qazirgi kezde bul ýaqyt odan da keıin shegerilýde. Sońǵy zertteýlerge qarasaq, 3 sekýnd qana qaraıdy eken de, shyǵyp ketedi. Osyǵan tán qubylys shyǵar. Jalpy, bizdiń biraz baspasóz mazmun emes, kóbinese taqyryp berýmen aınalysyp ketti. ıAǵnı, úlken taqyryp beredi. Taqyryp adamdy baýrap alsa, onda ol oqıdy, qaraıdy. Taqyryp baýramasa onyń ishinde qyzyqty dúnıeler bolsa da, attap ketedi. Sol sebepti taqyryp qoıýdy da úırenýimiz kerek shyǵar. Ol da úlken másele ári jýrnalıstik kásibılikke baılanysty. Muny ońaı retteýge bolady dep oılaımyn», - dedi komıtet basshysy.
Sharanyń taǵy bir spıkeri TNS Central Asia bas dırektory Tatıana Startsevanyń dereginshe, Qazaqstanda qala turǵyndarynyń 76 paıyzy teledıdardy keminde kúnine bir ret qaraıdy eken. Sonymen qatar halyqtyń 51 paıyzy Internette otyryp, 36 paıyzy radıo tyńdaıdy, taǵy 10 paıyzy baspasózdi oqıtyndyǵy anyqtalǵan.
«Sońǵy 3 jylda, ásirese ınternettegi kórsetkishter aıtarlyqtaı ózgeriske ushyraǵanyn kórip otyrmyz. Internetke kúndelikti kiretinder sany aıtarlyqtaı artty, sońǵy úsh jylda - 14 paıyzǵa ulǵaıǵan. Teledıdardy kóretin kúndelikti aýdıtorııa 5 paıyzǵa, baspasóz oqıtyndar sany 5 paıyzǵa qysqarýda. Al radıo aýdıtorııasy shaǵyn bolǵanymen, óte turaqty», - dedi ol.
Aıta keterligi, forým aıasynda Dáýren Abaev Shyǵys Qazaqstan oblystyq «Rýdnyı Altaı» gazetiniń - 100, «Atyraý» gazetiniń - 95, Aqmola oblystyq «Esil Nura» jáne «Vestı Akmola» gazetiniń - 90, Qyzylorda oblystyq «Jańaqorǵan tynysy» gazetiniń - 85, Almaty oblystyq «Zaman jarshysy» gazetiniń - 85, Pavlodar oblystyq «Aq jol - Novyı pýt» gazeti men Halyq radıosynyń - 80, Qaraǵandy oblystyq «Jańaarqa» gazetiniń - 80, «Vechernıı Almaty» gazetiniń - 50, «Mańǵystaý» gazetiniń - 45, Qaraǵandy oblystyq «Saryarqa» gazetiniń - 45 , «Almaty aqshamy» gazetiniń - 30, Batys Qazaqstan oblystyq «TDK 42» telearnasynyń - 20, Qostanaı oblystyq «Alaý TV» telearnasynyń 20 jyldyq mereıtoılarymen quttyqtap, BAQ basshylaryna alǵys hattar tabys etti.
Internet-bıznestiń damýy talqyǵa tústi
«Astana Media Week» qazaqstandyq medıa-aptalyǵynyń úshinshi kúninde ASTANA DIGITAL FORUM ótti. Sharanyń ashylý sharasyna QR Aqparat jáne kommýnıkatsııalar vıtse-mınıstri Nurgúl Maýberlınova qatysyp, quttyqtaý sóz sóıledi.
«Menińshe, qazirgi zamanǵy mass-medıa dástúrli jáne jańa BAQ-ty biriktirýi tıis. ıAǵnı rastalǵan aqparatty jedel jetkizýleri kerek. Buǵan qosa, kommýnıkatsııa úshin ózindik platforma bola otyryp, aýdıtorııamen keri baılanys ornatý da mańyzdy. Forým qatysýshylary bul taqyrypty da nazardan tys qaldyrmaıdy dep oılaımyn. Búginde naryqtyń belsendi qatysýshylary jańa dıdjıtal-trendterdi óte jaqsy sezinedi. Olardy qalyptastyrýǵa qatysyp, bizdiń realııge beıimdeıdi. Biz óz tarapymyzdan bul protseske qoldaý bildirip, qajettiligine qaraı kómek kórsete alamyz», - dedi Nurgúl Maýberlınova.
Forým barysynda digital-mamandar, brend-menedjerler, onlaın-kásipkerler, BAQ ókilderi jáne memlekettik organ qyzmetshileri tsıfrlyq medıa-dáýirdiń jańalyqtarymen bólisip, keleli máselelerdi talqylady. Sonymen qatar ınternet-bıznestiń damýy, kásipkerler men marketologtardyń, onlaın aqparat quraldarynyń qarym-qatynasy keńinen sóz boldy. Jekelegen spıkerler ınternet marketın salasyndaǵy tyń keıisterdi tanystyrdy. Al «Sergek» jobasynyń avtory Áset Ahmetov, «Astana Innovations» AQ-nyń basqarma tóraǵasy Oljas Sartaev elordada júzege asyrylyp jatqan tsıfrlyq jobalar jaıynda keńinen sóz qozǵady.
Aptalyqtyń jabylý saltanatynda Qazaqstandaǵy úzdik baspasóz qyzmeti jarııalandy. Aldymen barsha jeńimpazdardy QR Aqparat jáne kommýnıkatsııalar mınıstri Dáýren Abaev quttyqtap, olardyń aldaǵy ýaqytta jumystaryna tolaǵaı tabystar tiledi.
«Eń aldymen, osy sharany uıymdastyryp, bastan-aıaq júrgizgen uıymdastyrýshylarǵa, qatysqan telearnalardyń basshylaryna, qyzmetkerlerine, prodakshn kompanııalarǵa, jýrnalısterge shyn júregimmen alǵysymdy bildiremin. 2 myńǵa jýyq qonaq boldy. Onyń ishinde shetelden kelgen qonaqtar da bar. Osyndaı sharalar jalǵasyn taýyp, elimizdiń medıa salasynda oń nátıjesin beredi dep senemin», - dedi Dáýren Abaev. 
Sonymen baıqaý qazylar alqasynyń sheshimimen «Ortalyq memlekettik organnyń úzdik baspasóz qyzmeti» atalymynda Qorǵanys mınıstrligi, «Bıznes jáne kvazımemlekettiń sektordyń úzdik baspasóz qyzmeti» atalymynda «Atameken» ulttyq kásipkerler palatasy, «Jergilikti atqarýshy organnyń úzdik baspasóz qyzmeti» atalymynda Almaty qalasynyń ákimdigi, «Qoǵamdyq uıymdardyń úzdik baspasóz qyzmeti» atalymynda QR Tuńǵysh Prezıdenti qory, «Jyldyń úzdik baspasóz hatshysy» atalymynda Almaty qalalyq ishki ister departamentiniń resmı ókili Saltanat Ázirbek, «Baspasóz qyzmeti - jyl serpini» atalymynda QR Bas prokýratýrasy, «Úzdik korporatıvtik saıt» atalymynda QR Investıtsııalar jáne damý mınıstrligi jeńiske jetti. Jeńimpazdarǵa alǵys hat pen kýbok tabys etildi.
