Astana Media Week: BAQ aýdıtorııasyn joǵaltpaý úshin ártúrli ınternet platformada jumys isteýi kerek
«Baspasóz salasyna ınternet kelgennen keıin aýdıtorııasyn joǵaltpaý úshin aqparat quraldary ártúrli platformalarda jumys isteýi kerek. Qazirgi ýaqytta jýrnalıstıka kúrt ózgerip ketti. Ár bes jyl saıyn bir jańashyldyqtar kelip jatyr. Mýltıplatformalylyq bul rette – qazir syn-tegeýrin ǵana emes, sonymen qatar aýdıtorııany arttyrýdyń, sapaly aqparatty qoldanýshyǵa jetkizýdiń úlken múmkindigi. Kóp jaǵdaıda mýltıplatformalylyqpen aqparat agenttikteri jumys isteıdi. Olar sapaly jańalyqtardy óte jyldam jetkize bilýi tıis. Bizdiń bilýimizshe dástúrli baspasóz quraldarynyń, gazetterdiń kóbi platformalarǵa ótip jatyr. QazAqparat agenttiginiń 100 jyldyǵy aıasynda búgin biz óte ózekti taqyrypty talqylaımyz», - dedi Asqar Ýmarov.
Onyń aıtýynsha pandemııa kezinde aýdıtorııa shynaıy aqparatty izdep, dástúrli baspasóz quraldaryna júgine tústi.
«Sonymen birge feık-jańalyqtardyń óz órisinde artyp kele jatqanyn da esepke alý kerek. Medıa salada negizgi mindeti feık-jańalyqtarǵa jol bermeý boıynsha jańa baǵyt paıda boldy. Odan bólek faktchekıng týraly da bilemiz. Biz áriptesterimizben birge únemi aqparat bólisemiz. Bizdiń platformalarǵa jalǵan aqparattyń kelmeýi úshin jumys júrgizip jatyrmyz», - dedi Asqar Ýmarov.
Aıta ketsek eloradada Astana Media Week 2020 sharasy ótkizilýde. Іs-sharanyń negizgi maqsaty – otandyq medıasalany damytý men ındýstrııadaǵy iskerlik qarym-qatynasty aımaqtyq jáne halyqaralyq deńgeıde ilgeriletý. Medıaaptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jınap keledi jáne ózekti taqyryptar talqylanady.
