Astana Media Week-2021: BAQ-tyń kovıdten keıingi álemdegi róli taldandy
Bul kún «QR Táýelsizdik kezeńinde BAQ-tyń qalyptasýy» taqyrybyndaǵy dóńgelek ústelinen bastaldy. Qazaqstandyq televızııanyń damýy, Jýrnalıster odaǵynyń qurylýy jáne kadrlardy daıarlaý máseleleri týraly qazaqstandyq jýrnalıstıkanyń maıtalmandary bolyp tabylatyn azamattar sóz qozǵap, pikir almasty.
Keıin «Qoǵam jáne BAQ jańa, kovıdten keıingi álemde» atty paneldik dıskýssııa ótti. Oǵan Qazaqstan, Shveıtsarııa, Avstrııa elderiniń sarapshylary qatysty. Paneldik dıskýssııa qatysýshylary osy kúnderi qoǵamnyń qalaı ózgeretini jáne osy ózgeristerdiń prızmasy arqyly qazirgi zamanǵy BAQ qandaı bolýy kerektigi týraly óz kózqarastaryn bildirdi.
«QR jarnamalyq medıa naryǵy: aǵymdaǵy jaǵdaı, damý perspektıvalary, problemalar men sheshimder» taqyrybyndaǵy dóńgelek ústeli aıasynda Orta Azııa jarnama qaýymdastyǵynyń sarapshylary men iri TV-seılz-haýs ókilderi 2021 jyldyń birinshi jartyjyldyǵynyń qorytyndysy boıynsha jarnamalyq medıa naryǵyndaǵy qazirgi jaǵdaımen bólisti.
Qatysýshylar ındýstrııanyń turaqty damýyn qamtamasyz etý úshin qazirgi jaǵdaılardy eskere otyryp, zańnamaǵa qandaı ózgerister engizý qajettigin talqylady. Sondaı-aq, barlyq máseleler boıynsha memlekettik organdar men OAJQ arasyndaǵy ózara áreketteriniń alǵashqy qadamdary jaıly kelisip aldy.
«AMW» barysynda tuńǵysh ret «Fremantle» televızııalyq kontentiniń eýropalyq dıstrıbıýtory, «Sony Pictures» fılmderi men televızııalyq baǵdarlamalarynyń óndirýshisi jáne dıstrıbıýtory, «Nbc /Universal» amerıkandyq mass-medıa kompanııasy, «Kiss Media» televızııalyq ónimder men medıa kompanııanyń dıstrıbıýtory «Global Agency» ókilderi ózderiniń úzdik ónimderiniń tusaýkeserlerimen Formats Day ótti.
Formats Day qatysýshylary beıne kontenttiń jetekshi óndirýshileriniń seriktesteri bolýǵa múmkindik aldy.
Astana Media Week-2021 aıasynda «Biz birgemiz!» atty áleýmettik beınerolıkter stsenarııleriniń tanystyrylymy boldy. Іs-sharany «Habar» Agenttigi» AQ uıymdastyrdy. Jobaǵa onnan astam qazaqstandyq prodıýserler men stsenarıster qatysty. Barlyǵy 20 stsenarıı usynylǵan, biraq tek 9 qatysýshy irikteý kezeńinen ótip, óz ıdeıalaryn usyndy.
Tusaýkeser nátıjesi boıynsha Aınur Asylbekqyzy «Otbasylyq qundylyqtar» atty kategorııasynda júldeger atandy. «Ekologııa» kategorııasynda eń úzdik stsenarıst bolyp Lımara Bekturǵanova atandy. «Qarjylyq saýattylyq» taqyryby boıynsha jeńimpaz - Súleımen Nurdáýlet bolyp tanyldy. Atalǵan stsenarııler boıynsha daıyn beınerolıkterdi «Habar» jáne «Habar 24» telearnalary kórsetetin bolady.
«Qazaqstan» RTRK uıymdastyrǵan pıtchıng barysynda bolashaq serıaldardyń stsenarııleri talqylandy. Munda otandyq prodakshn-stýdııalardyń ókilderi 2022 jylǵa arnalǵan jańa serıaldar úshin ıdeıalary men usynystaryn berdi. Astana Media Week-2021 aıasynda ótip jatqan baıqaýǵa 21 kompanııa ótinim bergen edi. Televızııalyq jumystar Qazaqstannyń tarıhı qaıratkerlerine, ata-babalarymyzdyń tarıhı murasyn, aýyl ómirin nasıhattaýǵa, rýhanı astanasy - Túrkistanǵa, tarıhı Otanyna oralǵan qandastarǵa , qutqarýshylarǵa, sportty, halyq kásipshiligin, ulttyq jáne otbasylyq qundylyqtardy nasıhattaýǵa arnalýy tıis. Korporatsııa jarııalaǵan baıqaý 30 qyrkúıekke deıin jalǵasady.
Statıstıka boıynsha, Astana Media Week-2021 ekinshi kúni 6425 onlaın qaraldy. Eń úlken aýdıtorııa 25-34 jas shamasyndaǵylar edi.
«Qoǵam jáne BAQ jańa, kovıdten keıingi álemde» atty paneldik dıskýssııa osy kúnniń eń zor suranysyna ıe boldy. Oǵan 1574 adam qosyldy. Sosyn eń kóp qaralǵan shara «QR jarnamalyq medıa naryǵy: aǵymdaǵy jaǵdaı, damý perspektıvalary, problemalar men sheshimder» dóńgelek ústeli boldy. Sarapshylar pikirtalasyna 1248 kórermen qosyldy.
Sondaı-aq, «Qazaq radıosy. Efırde 100 jyl» sheberlik saǵatynyń aýdıtorııasy da 1136 kórermenge deıin jetti.
