«Astana Masters 12 & under President's Cup» balalar týrnıriniń jeńimpazdary anyqtaldy
ASTANA. QazAqparat - Astanada Prezıdent Kýbogi aıasynda ótkizilgen, syıaqy qory 25 000 dollardy quraǵan 12 jasqa deıingi balalar arasyndaǵy «Astana Masters 12 & under President's Cup» týrnıri ótti.
Astanadan Janel Rústemova jáne Almatydan Kırıll Kolganov týrnır jeńimpazdary atandy. Bul týraly Qazaqstan tennıs federatsııasynyń saıtynda habarlandy.
Fınaldyq básekede astanalyq Janel Rústemova óskemendik Tatıana Nıkolenkodan 6:3, 6:2 esebimen basym tústi. Úshinshi oryndy astanalyq Sandýǵash Kenjebaeva oljalady.
Al balalar arasyndaǵy aqtyq saıysta almatylyq Kırıll Kolganov Qaraǵandydan kelgen Erık Jaqııanovty 7:5, 6:2 esebimen utty.
Úshinshi júldeli oryn shymkenttik Bekjan Erejepke buıyrdy.
