Astana máslıhatynyń tóraǵasy qyzmetinen ketti

ASTANA. KAZINFORM — Erlan Kanalımov Instagram-daǵy paraqshasynda Astana qalasy máslıhatynyń VIII saılanym tóraǵasy retindegi qyzmeti aıaqtalǵanyn málim etti.

Kanalımov ózime senim bildirgen qala turǵyndaryna alǵysyn bildirdi.

— Qadirli dostar, ardaqty aǵaıyn! Astana qalasy máslıhatynyń VIII saılanym tóraǵasy retindegi qyzmetimiz basqa qyzmetke aýysyma baılanysty aıaqtaldy. Osy jyldar ishinde eldiń amanatyn arqalap, halyqpen birlese eńbek ettik. Uly Abaıdyń «Halyq úshin qyzmet qylsań, halqyń súımek» degen sózin tý ettik. Astana qalasy máslıhatynyń tóraǵasy retinde basty ustanymymyz — ashyqtyq pen jaýapkershilik boldy. Halyqqa jaqyn bolýǵa, máselelerdiń sheshimin birge tabýǵa mán berdik. Máslıhat otyrystaryn tikeleı efırde ótkizip, ár depýtattyń baılanys deregin qoljetimdi ettik. Atqarǵan isimizdiń synshysy — halyq, tóreshisi — ýaqyt. Osy oraıda, men ózime senim bildirgen qala turǵyndaryna, birlese eńbek etken Astana qalasy máslıhatynyń VII jáne VIII saılanym depýtattaryna, qalamyzdyń ákimi Jeńis Qasymbek myrzaǵa jáne barlyq áriptesterime shynaıy alǵysymdy bildiremin. Osy jolda árqaısyńyzǵa myqty densaýlyq, eńbekterińizge tabys, otbasylaryńyzǵa amandyq tileımin! , — dep jazdy ol.

Eske salsaq, osyǵan deıin Erlan Kanalımov «oqýshylardyń jartysy mektep ashanasyna barǵysy kelmeıtinin» aıtqan edi.