Astana qalasynyń qoǵamdyq keńesi vokzal ǵımaratynyń mártebesin qaıta qaraý týraly usynysty qoldady
ASTANA. KAZINFORM – Astanada 1954 jyly alǵashqy tyń ıgerýshiler eshelony kelgen temirjol vokzaly ǵımaraty men vokzal mańyndaǵy alańdy jergilikti mańyzy bar tarıh jáne mádenıet eskertkishteri tiziminen shyǵarý máselesi qalanyń qoǵamdyq keńesiniń otyrysynda qaraldy.
Bul týraly Astana qalasy Mádenıet basqarmasy basshysynyń orynbasary Aset Ernazarov málim etti.
– 2026 jylǵy 18 maýsymda 1954 jyly alǵashqy tyń ıgerýshiler eshelony kelgen vokzal ǵımaraty men vokzal mańyndaǵy alańdy jergilikti mańyzy bar tarıh jáne mádenıet eskertkishteri tiziminen shyǵarý máselesi Qazaqstan Respýblıkasy Mádenıet jáne aqparat mınıstrliginiń Tarıhı-mádenı mura máseleleri jónindegi arnaıy komıssııasynyń otyrysynda qaraldy, – dedi ol.
Onyń aıtýynsha, komıssııa qaraýynyń qorytyndysy boıynsha atalǵan nysandardy jergilikti mańyzy bar tarıh jáne mádenıet eskertkishteri tiziminen shyǵarý týraly Astana qalasy ákimdiginiń qaýly jobasy ázirlengen.
Másele Astana qalasy máslıhatynyń otyrysynda qaralyp, depýtattar usynysty qoldady. Nátıjesinde tıisti joba qabyldandy.
Buǵan deıin Elimizdegi vokzaldardy jańǵyrtýǵa 100 mlrd teńge jumsalatynyn jazǵanbyz.
