«Astana-Máskeý» jaıly ári jolaýshylarǵa qyzmet kórsetý sapasy joǵary poıyzy Máskeýge júrip ketti
ASTANA. Maýsymnyń 9-y. QazAqparat - Búgin tańerteńgi saǵat 06.50-de №71/72 «Astana-Máskeý» baǵytyndaǵy úlgilik poıyzy elorda vokzalynan attanyp ketti, dep habarlady «Jolaýshylar tasymaly» AQ baspasóz qyzmeti.
«Astana-Máskeý» poıyzy jaılylyǵy jáne qyzmet kórsetý sapasy joǵary alǵashqy poıyz bolmaq», - delingen taratylǵan habarlamada.
«Kompanııa jobany júzege asyrý barysynda buryn osy baǵytta qatynap turǵan vagondardy jańartty. Osy zamanǵy materıaldardy paıdalana otyryp, vagondardyń ishki jáne syrtqy dızaınyn jaqsartty, qyzmet kórsetetin kadrlardy irikteýge kóńil bólindi», - dep atap ótilgen baspasóz baıanynda.
«Jolaýshylar tasymaly» AQ endi №7/8 «Almaty-Máskeý» poıyzyn da osylaı jańǵyrtpaq. «Kelesi jyly taǵy úsh baǵyttaǵy temirjol kólikteri jaılylyǵy jaqsartylǵan poıyzdar mártebesine ıe bolady»,- delingen habarlamada.
