«Astana-Máskeý» baǵytyndaǵy poıyzdyń quramy jańartylýda
ASTANA. QazAqparat - «Jolaýshylar tasymaly» AQ zamanaýı aýany jeldetý júıesimen, «Júgirtpe jol» aqparattyq taqtasymen, beınemonıtorlarmen, beınebaqylaý júıesimen jabdyqtalǵan 52 jańa jolaýshylar vagonyn satyp aldy.
«Tver vagonqurylysy zaýyty» AAQ qurastyrǵan quramnyń shtab vagonynda avtomatty kóterý qurylǵysy men múmkindigi shekteýli azamattarǵa arnalǵan arnaıy kýpesi bar.
Al ústimizdegi jyldyń 15 shildesinde «Astana-Máskeý» baǵytyndaǵy poıyzdyń jańartylǵan birinshi quramy attandy. 16 shildede «Mańǵyshlaq-Beıneý» poıyzynyń quramy jańa vagondarmen qamtamasyz etildi.
5 tamyzda «Astana-Máskeý» baǵytynadaǵy poıyzdyń ekinshi quramy jańartyldy, atalmysh poıyzdyń barlyq quramyn tolyqtaı jańartý ústimizdegi jyldyń 7 tamyzynda aıaqtalady, dep habarlaıdy «Jolaýshylar tasymaly» AQ baspasóz qyzmetinen.
