«Astana» «Marıborǵa» qarsy kezdesýde esep ashty: 1-0 (FOTO)
ASTANA. QazAqparat - Osy sátterde elordadaǵy «Astana-Arena» stadıonynda ÝEFA Chempıondar Lıgasynyń ekinshi irikteý kezeńinde «Astana» fýtbol komandasynyń slovenııalyq «Marıborǵa» qarsy qarymta kezdesýiniń birinshi taımy ótýde.
Oıynnyń 11-mınýtynda «Astanalyq» Baýyrjan Jolshıev matchtyń alǵashqy esebin ashyp, qonaqtardyń qaqpasyna dop darytty. «Astananyń» irikteý raýndynyń kelesi kezeńine shyǵý úshin elordalyq komanda slovenııalyqtardy keminde 2:0 esebimen utý kerek. Óıtkeni, 15-shi shilde kúni Marıborda ótken alǵashqy kezdesýde slovenııalyqtar jerlesterimizdi mınımaldi (0:1) eseppen jeńgen bolatyn. Aıta keterligi, býkmekerlik keńselerdiń birinshi boljamynda jeńis «astanalyqtarda» bolady dep kútiledi. Osydan keıingi orynda «oıyn teń bolady» jáne «slovenııalyqtar jeńedi» degen belgi bar.
