«Astana Marathon 2022» jarysynyń jeńimpazdary belgili boldy
ASTANA. QazAqparat – Elordada «Astana Marathon 2022» sporttyq is-sharasynyń jeńimpazdary anyqtaldy, dep habarlaıdy QazAqparat qala ákimdiginiń resmı saıtyna silteme jasap.
Marafonǵa Qazaqstan qalalarynan jáne álemniń 10 elinen kelgen 3 myńǵa jýyq sportshy qatysty. Olardyń arasynda Ulybrıtanııa, AQSh, Nıderland, Ispanııa, Italııa, Ońtústik Koreıa, Ózbekstan, Mońǵolııa elderi bar.
42.2 shaqyrym dıstantsııaǵa júgirgenderdiń 92,76% - erler, 7,24% áıelder boldy.
10 shaqyrymdy eńsergen erler men áıelderdiń araqatynasy sáıkesinshe 66,43% jáne 33,57% qurady.
Halyqaralyq marafonǵa qala ákimi, elorda jeńil atletıka federatsııasynyń tóraǵasy Altaı Kólginov te qatysty.
42,2 shaqyrymdyq jarysta birinshi oryndy Aman Nurkeldi, ekinshi oryndy Ákim Erkebaı enshilese, úshinshi oryndy Darhan Іskendir qanaǵat tutty. Absolıýtti sanatta áıelder arasynda birinshi oryn Ásel Qabylbekovaǵa, ekinshi oryn Anastasııa Majanskaıaǵa buıyrdy. Úshinshi oryndy Tatıana Molchanova mise tutty.
10 shaqyrymdyq sanatta erler arasynda birinshi oryndy Vadım Levchenkov, ekinshi oryndy Dmıtrıı Şeglov, úshinshi oryndy Álimjan Baltabek ıelendi.
Áıelder arasynda birinshi oryndy Aıgúl Arjanıkova alsa, Gúlmıra Ámenova ekinshi orynnan kórindi, al Polına Glýşenkoǵa úshinshi oryn buıyrdy.
Aıta keteıik, «Astana Marathon-2022» – qaıyrymdylyq shara. Buǵan deıin Astana Marathon uıymdastyrýshylary qaıyrymdylyq uıymdary úshin 39 mln teńgeden astam qarajat jınaǵan bolatyn.
