Astana marafonynyń jeńimpazdary marapattaldy

astSonymen, 10 shaqyrymdyq qashyqtyqta áıelder arasynda «qola» júldeni Jaqsygúl Musyrman, «kúmisti» -  Alýa Shaımerdenova (Astana), «altyn» júldeni Móldir Mekenbaeva (AQSh) ıelendi.

Erler arasynda 10 shaqyrymdyq jarysta úshinshi oryndy -  Almas Alpyspaev, ekinshi oryndy - Pavel Ovtsynov, birinshi oryndy  Azamat Sabyrjanov jeńip aldy.

Atap aıtqanda, bul qashyqtyqta «qola» júldege «Adıdas» kompanııasynyń atynan 30 myń teńgelik sertıfıkat, «kúmis» júldege 50 myń teńgelik, sondaı-aq «altynǵa» 80 myń teńgege sertıfıkat tapsyryldy.

21,1 shaqyrym qashyqtyqta áıelder arasynda úshinshi oryn - Almıra Haırýtdınovaǵa, ekinshi oryn -  Ekaterına Shatnaıaǵa, birinshi oryn  Samal Isabaevaǵa buıyrdy.

Erler arasynda Qudaıbergen Zeınollaev - úshinshi, Ǵalymjan Jumabaev - ekinshi, Agzam Arıpjanov  birinshi boldy.

Osy qashyqtyqta jeńimpazdarǵa arnaı sertıfıkattar berildi.

Al 42,2 shaqyrymda «qola» júlde - Aqjan Aqajanǵa, «kúmis» júlde - Balnur Asylbekke, «altyn» júlde Aqmaral Meıirmanǵa tapsyryldy.

Sonymen qatar er azamattar arasynda úshinshi orynnyń júldesin - Manat Amet, ekinshi oryndy  -  Sabyrjan Qossaq, úshinshi oryndy  Aıdyn Qasen jeńip aldy.

Marafon qashyqtyǵy Astanadaǵy Esil, Almaty jáne Saryarqa aýdandaryn qamtydy. Osy rette sporttyq shara 4 sanatta ótti, ıaǵnı 42,2 shaqyrym, 21,1 shaqyrym, 10 shaqyrym, sondaı-aq estafetalyq júgirýler.

Astana Marafonyn uıymdastyrýshysy jáne negizin qalaýshy Gaýhar Bramleı-Fentonnyń sózine qaraǵanda, barlyq túsken qarjy qaırymdylyqqa jumsalady. Osy rette jınalǵan aqshany tolyqtaı esep shyǵý úshin birshama ýaqyt kerek. Sebebi, osy jerde saýda-sattyq ta júrgizildi jáne odan túsken qarjy da qaırymdylyqqa baǵyttalady.

Budan buryn habarlanǵandaı, sharaǵa qatysý úshin 3-7 myń teńge aralyǵyndaǵy somany tóleý kerek. Onyń qunyna júgirýshige arnaıy paket tabystalady jáne jeńil jeıde, jyrtylmaıtyn qaǵazdan jasalǵan nómir, sondaı-aq basqa da qajetti zattar usynylady. Bul marafon - qaıyrymdylyq jarys.