Astana marafonynda qyzmet atqaratyn tóreshiler quramy anyqtaldy
QR Jeńil atletıka federatsııasy málimetinshe, halyqaralyq marafonǵa 47 qazaqstandyq tóreshi tartylǵan. Onyń ishinde joǵary dárejedegi ulttyq tóreshi - 8, birinshi dárejedegi tóreshi - 28.
Oblystardyń arasynda eń kóbi - Qaraǵandy oblysynan. Ortalyq Qazaqstannyń 19 qazysy Astana marafonyna tórelik etýge bekitilgen. Sondaı-aq Astanadan - 11, Almatydan - 7, Shymkentten - 5 referı keledi. Tóreshiler korpýsyn tájirıbeli ári bedeldi mamandar Anatolıı Rogachev (Qaraǵandy) pen Igor Novıtskıı (Almaty) basqarady.
Aıta keteıik, marafondy QR Mádenıet jáne sport mınıstrligi, QR Jeńil atletıka federatsııasy jáne «Shanhe» ıÝnnan mádenıet jáne sport kompanııasy birigip ótkizedi.
Esterińizge sala keteıik, marafon úsh kezeńdi qamtıdy. Eń uzaqtyǵy - 42 shaqyrym 195 metr, orta qashyqtyq - 10 shaqyrym. Odan bólek, EKSPO-2017 kóreminiń qurmetine oraılastyrylǵan 2017 metr bar.
«EKSPO-2017» aıasynda ótetin ShYU men AÓSShK halyqaralyq marafony 27 tamyzda tańǵy saǵat 07:30-da bastalady.