Astana marafony: «Sporttyq otbasy» atalymyn pákistandyqtar jeńip aldy

Otaǵasynyń esimi Djoshı, al balalardyń anasynyń esimi Anıka ekeni belgili boldy.

Olarǵa «Adıdas» fırmasynyń atynan 50 myń teńgelik serfıkat tapsyryldy.

Budan buryn habarlanǵandaı, bul otbasy marafonda on shaqyrymdyq qashyqtyqtaǵy jarysqa kishkentaı balalarymen birge qatysyp, kópshiliktiń esinde qaldy. Astana marafonynda sheteldikter besik arbadaǵy balalarymen jarysta júgirdi.

Uıymdastyrýshylardyń aıtýynsha, pákistandyq otbasy balalarymen birge Marafonǵa qatysý úshin Atyraýdan kelgen. Aldyn ala málimetter boıynsha otaǵasy «Teńizshevroıl» munaı kompanııasynda qyzmet etedi.

Bastapqyda ata-analary balalaryn besik arbamen alyp kele jatqan edi, keıinnen márege jaqyndaǵan kezde balanyń bireýin ákesi qolyna kóterdi, al ekinshi bala óz aıaǵymen júgirdi. Shamamen balalar 3-5 jas aralyǵynda.