Astana marafony: QR Premer-Mınıstri 21,1 shaqyrym qashyqtyqty baǵyndyrdy
ASTANA. QazAqparat - Búgin elordada qaıyrymdylyq maqsattaǵy iri halyqaralyq Astana marafonynda QR Premer-Mınıstri Kárim Másimov 21,1 shaqyrym qashyqtyqty baǵyndyrdy.
Atap aıtqanda, Úkimet basshysy atalǵan qashyqtyqty 2 saǵattyń ishinde júgirip ótti. Sonymen qatar bul 21,1 shaqyrymdyq marafonnyń máre syzyǵynan QR Mádenıet jáne sport mınıstri Arystanbek Muhamedıuly men Aqparat jáne kommýnıkatsııalar mınıstri Dáýren Abaev ta ótti.
Máre syzyǵanan ótkennen keıin K. Másimov pen sharaǵa qatysqan birqatar mınıstrler jáne Rıo Olımpıadasynyń jeńimpazdary men júldegerleri estelik fotosýretke tústi.
«Barlyqtaryńyzǵa rahmet! Osy mańyzdy sharamen barshalaryńyzdy quttyqtaımyn!»,-dedi Premer-Mınıstr jınalǵan jurtshylyqqa qaratyp aıtqan sózinde.
Aıta keteıik, QR Prezıdenti Ákimshiliginiń basshysy Ádilbek Jaqsybekov 42,2 shaqyrymdyq qashyqtyqqa qatysýda.
