Astana marafony: Qazaqstandaǵy jas sportshylardan jaqsy nátıjeler kútýge bolady - Bolat Jumadilov
ASTANA. QazAqparat - Elimizde sportqa osyndaı qarqynmen kóńil bólip tursa, jas býynnan jaqsy nátıjeler kútýge bolady. Bul týraly búgin elordada qaıyrymdylyq maqsattaǵy iri halyqaralyq Astana marafonyna qatysqan Olımpıada oıyndarynyń eki dúrkin kúmis júldegeri (1996, 2000) Bolat Jumadilov málim etti.
«Búgingi sharaǵa óte qýanyshtymyn. Marafonǵa qala turǵyndary, sheteldik meımandar, Úkimet basshysy men mınıstrler, sportshylar qatysqanyn kórdim. Atap aıtqanda, elimizde sportqa osyndaı qarqynmen kóńil bólip tursa, jas býynnan budan ary qaraı jaqsy nátıjeler kútýge bolady dep senemin. Tyǵyz ýaqyttaryn bólip kelgenderi úshin Premer-Mınıstr Kárim Másimovke, QR Mádenıet jáne sport mınıstri Arystanbek Muhamedıulyna rıza bolyp otyrmyn. Olar sońyna deıin bir qarqynmen 21,1 shaqyrymdy baǵyndyrdy»,-dedi sportshy.
Marafon qashyqtyǵy Astanadaǵy Esil, Almaty jáne Saryarqa aýdandaryn qamtyp otyr. Osy rette sporttyq shara birneshe sanatta ótedi, ıaǵnı 42,2 shaqyrym, 21,1 shaqyrym, 10 shaqyrym qashyqtyqta júgirýler eskerilgen.
