«Astana Marafon» jappaı júgirý sharasy 4 qyrkúıekte ótedi
ASTANA. QazAqparat - «Astana Marafon» jappaı júgirýiniń bastalýyna 7 kún qaldy. Bul jóninde QR Premer-Mınıstri Kárim Másimov óziniń Instagram akkaýntynda eske saldy.
4 qyrkúıek kúni tańǵy 8-de «Astana marafon» jappaı júgirýi bastalady. Bul sporttyq sharanyń urany - «One Steppe Beyond» (Shekten tys bir qadam). Jınalǵan barlyq qarajat qaıyrymdylyq qorlaryna beriledi.
Bıylǵy marafon 10, 21 jáne 42 shaqyrym qashyqtyqtarǵa josparlanǵan. Marafonǵa 16 jastan asqan kez kelgen turǵyn qatysa alady.
Astanada 2009 jyldan beri marafon ótip keledi. Qaıyrymdylyq júgirýine bes myńǵa jýyq adam qatysady dep boljanýda, onyń arasynda sheteldikter de bar. Brazılııa, Ulybrıtanııa, Germanııa, AQSh elderi ótinim berip úlgerdi, dep jazady pm.kz.
