Astana mańyzdy sharalardy ótkize alý reıtınginde TOP-bestikke endi

ASTANA. QazAqparat - Kórmelik ǵylymı-zertteý ortalyǵy R&C (Reseı) ShYU men TMD memleketteriniń astanalary kongrestik-kórmelik deńgeıin kórsetetin biregeı halyqaralyq zertteý júrgizdi. Zertteý qortyndysy boıynsha halyqaralyq reıtıngtiń úzdik bestigine Beıjiń, Máskeý, Kıev, Nıý-Delı jáne Astana engen, dep habarlaıdy QazAqparat Astana ákimdigine silteme jasap.

Úzdikter tiziminde sondaı-aq Bishkek,Tashkent,  Dýshanbe, Mınsk, Kıshınev, Nıý-Delı, Islamabad, Ashhabad sekildi álem astanalary bar.

«Astana Konvenshn Bıýro» JShS reıtıngti qurýda kóp faktorly zertteý paıdalanylǵan. Saraptalǵan kórsetkishter bes topqa biriktirilgen:

Materıaldyq-tehnıkalyq baza - qalanyń ártúrli formattaǵy iskerlik sharalardy qabyldap, ótkizý múmkindigin aıqyndaıdy.

Aımaqty ilgeriletý - iskerlik jáne oıyn-saýyq sharalaryn ótkizýge tartymdylyǵyn, onyń týrıstik áleýetin kórsetedi.

Ivent ındýstrııasy salasynda destınatsııa saıasaty - naryqtyń barlyq qatysýshylarynyń ákimshilik úılestirý deńgeıin baıqatady. 

Іri oqıǵalardy ótkizý - ártúrli deńgeıdegi sharalardy uıymdastyrýshylarǵa destınatsııanyń tartymdylyǵyn kórsetedi. Sońǵy úsh jylda aýqymdy halyqaralyq sharalardy (sporttyq, mádenı, iskerlik, úkimettik) ótkizý tájirıbesi baǵalanady. 

Aımaqtyń rekreatsıondy múmkindikteri - destınatsııanyń týrıstik kontentiniń tartymdylyǵyn bildiredi. Aıta keteıik, destınatsııanyń oqıǵalyq múmkindikter reıtıngisi - qazirgi tańda reseılik naryqta balamasy joq joba.

Reıtıngtiń avtory Kórmelik ǵylymı-zertteý ortalyǵy R&C - Reseıdegi ıvent ındýstrııada marketıngtik jáne konsaltıngtik qyzmetterdiń tolyq spektrin usynatyn jalǵyz kompanııa.