Astana mańyndaǵy joldardan 70 adam evakýatsııalandy
ASTANA. QazAqparat - Qolaısyz aýa raıy saldarynan Astana mańyndaǵy joldar men aınalma trassalardan 70 adam evakýatsııalandy, dep habarlaıdy QazAqparat tilshisi QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
Qutqarylǵan 70 adamnyń beseýi - balalar. Apattyq-qutqarý jumystaryna Tótenshe jaǵdaılar departamentiniń 200-den astam jeke quramy men jol talǵamaıtyn 40 arnaıy tehnıka jumyldyryldy.
Imanqulovtyń aıtýynsha, qala boıynsha avtokólikterge (naqty sany anyqtalýda), jeke úıler men kópqabatty úılerdiń shatyrlaryna zaqym kelý oqıǵalary tirkelgen.
«13:00-ge deıin «112» nómirine 3100 qońyraý kelip túsken, onyń 850 habarlamasy jabylǵan joldar men kómek kórsetýge qatysty. Zardap shekkender men qaza tapqandar joq, apattyq-qutqarý jumystary áli de jalǵasýda», - dep atap ótti Rýslan Imanqulov.
