Astana mańyndaǵy jerasty sýlaryn ıgerýdiń tehnıkalyq-ekonomıkalyq negizdemesine túzetý engizilmek
«Ekologııa jáne tabıǵı resýrstar mınıstrligi Astanany kepildendirilgen sýmen jabdyqtaý úshin jyl sońyna deıin «Astana sý qoımasyn tolyqtyrýǵa arnalǵan qurylystar salý» jobasy boıynsha jobalyq-smetalyq qujattama ázirleıdi.
Joba Esil ózeniniń arnasyna Q.Sátpaev atyndaǵy kanaldyń túbin tereńdetý arqyly arqyly sý jiberýdi, sondaı-aq odan «Astana Sý arnasy» MKK sorǵy stantsııasynyń alańyna deıin tirek qorshaý qurylysjaıyn salýdy kózdeıdi. Jobany iske asyrý 2 kezeńde júredi. Qurylystyń boljamdy quny – 22 mlrd teńge. Іske asyrý kezeńi – 2023-2025 jyldar.
Sý qoımasyn odan ári qaýipsiz paıdalaný maqsatynda mınıstrlik ony rekonstrýktsııalaý jobasyn ázirleýge kiristi. Rekonstrýktsııalaýdyń quny– shamamen 2,5 mlrd teńge. Іske asyrý kezeńi – 2024-2026 jyldar.
Osylaısha, joǵaryda atalǵan jobalardy qarjylandyrý jónindegi sheshim jobalyq-smetalyq qujattama saraptamasynyń qorytyndysy boıynsha qabyldanady», - dep jazady Álıhan Smaıylov.
Sondaı-aq, Astana mańyndaǵy jerasty sý kózderin rezerv retinde ıgerýge kúsh salynatynyn aıtqan.
«Astana qalasynyń qarqyndy damýyn, sondaı-aq «Tótenshe jaǵdaılar kezinde qalany sýmen jabdyqtaýdyń rezervtik kózi retinde Astana qalasynyń mańynda ornalasqan jer asty sýlarynyń ken ornyn paıdalaný» jobasy boıynsha halyq sanynyń únemi ósip otyrýyn eskere otyryp, ákimdik tehnıkalyq-ekonomıkalyq negizdemeni túzetedi. Osyǵan baılanysty jobany qarjylandyrý jónindegi sheshim tehnıkalyq-ekonomıkalyq negizdeme saraptamasynyń qorytyndysy boıynsha qabyldanady», - dep jazylǵan jaýapta.