Astana mańyndaǵy jasyl jelekte mal jaıǵandar jaýapqa tartylýda
NUR-SULTAN. QazAqparat – Nur-Sultan qalasynyń polıtseıleri qaraýsyz jaıylyp júrgen maldardyń ıelerine ákimshilik hattamalar toltyrýda, dep habarlaıdy QazAqparat.
Polıtsııa departamentinen málim etkendeı, Esil aýdandyq polıtsııa basqarmasynyń tabıǵatty qorǵaý polıtseıleri Ilınka – Qosshy aınalma jolyna jaqyn jerden jasyl jelek arasynda qaraýsyz jaıylyp júrgen aýylsharýashylyq maldaryn anyqtaǵan.
Júrgizilgen is-shara barysynda iri qaranyń ıeleri anyqtalyp, olarǵa ákimshilik sıpattaǵy jaza qoldanyldy.
«QR Ákimshilik quqyq buzýshylyq týraly kodekstiń 408-baby (Aýylsharýashylyq malyn jaıý erejelerin buzý) boıynsha ákimshilik hattama toltyryldy. Sonymen birge, mal ıelerimen máslıhat sheshimimen bekitilgen astana aýmaǵynda janýarlardy ustaý erejesin saqtaý qajettigi boıynsha profılaktıkalyq áńgime júrgizildi», - dedi qalalyq Polıtsııa departamentinen.
