Astana mańyndaǵy jasyl beldeýdi 80 myń gektarǵa jetkizýimiz shart - N. Nazarbaev
STANA. Sáýirdiń 2-si. QazAqparat /Rýslan Ǵabbasov/ - Astananyń jasyl beldeýin 80 myń gektarǵa jetkizý kerek. Bul týraly búgin Astanada elordanyń aldaǵy damýy máselelerine arnalǵan sáýlet-qurylys keńesinde Elbasy Nursultan Nazarbaev málim etti,
dep habarlaıdy QazAqparat.
«Aǵash otyrǵyzǵan jerdiń kólemi Astana mańynda 45 myń gektarǵa jetti. Eger elordanyń soltústik-shyǵys jaǵynda buǵan deıin 15 myń gektar jerge aǵash otyrǵyzylǵanyn eskersek, onda 60 myń gektarǵa jetip qaldy. Atap aıtqanda, Aqkól, odan ary qaraı Býrabaı demalys aımaǵy arasyndaǵy ormandy alqapqa qosý maqsat etilip qoıyldy. ıAǵnı, bul jumystar atalǵan aralyqta tutas orman beldeýi bolý úshin jasalýda. Keıinen orman ózi tabıǵı jolmen ósip, aýmaǵy keńeıetin bolady», dedi Elbasy.
«Biz bul isti báseńdetpeı, qalanyń ishin jáne syrtyn kógaldandyryp, jasyl beldeýdi 80 myń gektarǵa jetkizýimiz shart», dedi N. Nazarbaev.
