Astana mańyndaǵy Taıtóbe aýylynyń irgesin sý basty

 
Astana qalasyna jaqyn mańdaǵy Tselınograd aýdany Taıtóbe aýylynyń irgesin sý basty. Aǵyny qatty sý aýyl shetindegi bógetti jyryp ketý qaýpi bar. Tasqyn sý «Nura» demalys aımaǵyna baratyn tas joldaǵy jalǵyz kópirdiń erneýine deıin jetken.
  

Al, jalǵyz bóget  jyrylsa, úılerdi sý basyp qalýy múmkin. Sebebi, bógetter týra úılerdiń qorshaýynyń qasynda ornalasqan. Aýyl turǵyndary: «bul tasqynnyń basy ǵana, negizgi sý endi keledi. Eger jergilikti ákimdik aldyn ala saqtyq jumystaryn júrgizbese, úıimizdi sý alyp ketýi múmkin» dep úreılenip otyr.