Astana mańyndaǵy sý qoımasyna 40 myń aq amýr shabaǵy jiberildi
ASTANA. 8 qazan. QazAqparat - Astana qalasy ákimdigi «JasNur» óndiristik-sharýashylyq kásipornynyń mamandary qazan aıynyń basynda Qoıandy jáne Vıacheslavskıı sý qoımalaryna 40 myńǵa jýyq aq amýr shabaǵyn jiberdi. Bul týraly astana.kz saıtyna Astana qalasy ákimi apparatynyń ómirdi qamtý jáne ınfraqurylymdy damytý bóliminen habarlady.
«Aq amýr shabaqtary odan ári balyqtyń bul túrin aýlaý jáne melıoratsııalaý maqsatynda jiberildi. Aq amýr tek ósimdiktermen jáne sý túbindegi qaldyqtarmen ǵana qorektenedi. Eki jyldan keıin olardyń kómegimen sý qoımalary qamystardan tazartylady, al balyqtyń salmaǵy 20 kg jetedi», - delingen vedomstvo aqparatynda.
Balyqtyń bul túrin «tazalaýshy balyq» dep te ataıdy. Ol astanalyq balyq pıtomnıgine Tarazdan arnaıy ákelindi. «Jas Nur» kásipornynyń bas ınjeneri Qaırat Bıjanovtyń aıtýynsha, aq amýrdyń 40 paıyzy ǵana beıimdeledi.
«Aıta keteıik, aq amýrdy sý qoımalaryna jiberýdiń arqasynda eki maqsatqa birden qol jetkiziledi. Atap aıtqanda, aýlaıtyn balyq kóp bolady jáne sý qoımalary abattandyrylady», - deıdi bólimdegiler.
