Astana mańyndaǵy sý qoımalarynyń tolý deńgeıi 99 paıyzǵa jetti - TJM
ASTANA. QazAqparat - Astana qalasy mańyndaǵy Talapker kentindegi sý deńgeıi edáýir tómendedi. Bul týraly búgin baspasóz máslıhatynda QR Tótenshe jaǵdaılar vıtse-mınıstri Valerıı Petrov aıtty.
«Talapkerdegi jaǵdaı qazir ońalyp kele jatyr. Sý deńgeıi tómendedi. Qazir onda vıtse-mınıstr Janbolat Smaıylov júr, sondaı-aq TJM kúshteri jaǵdaıdy baqylaýda ustap otyr», - dedi ol.
Degenmen, onyń málimetinshe, qalǵan qar tez erip ketse, jaǵdaıdyń taǵy da ýshyǵyp ketýi joqqa shyǵarylmaıdy.
«Astananyń soltústiginde qar onsha kóp qalǵan joq. Degenmen, qala mańyndaǵy sý qoımalary 95-99 paıyzǵa tolyp tur. ıAǵnı, endi az ǵana kólemdegi sýdyń ózi qaýipti bolaıyn dep tur. Mundaı jaǵdaıdaǵy bizdiń basty maqsatymyz - adam shyǵynyn boldyrmaı, qutqarý jumystaryn júıeli túrde júrgizý», - dep atap ótti vıtse-mınıstr.
Esterińizge sala keteıik, buryn habarlanǵandaı, Talapker aýylynda 20 shaqty aýla sý astynda qalǵan bolatyn. Jazyqtan aǵyp kelgen qar sýy Saryarqa, Mádenıet, Jeńis, Dostyq, Seıfýllın kóshelerin basyp ketken.
