Astana mańyndaǵy ótkelde kúrdeli jóndeý jumystary bastaldy
ASTANA. QazAqparat - Astananyń úlken aınalma jolynyń ońtústik-batys baǵytynda temirjol arqyly ótetin apatty ótkelde kúrdeli jóndeý jumystary bastaldy, dep habarlaıdy QazAqparat respýblıkalyq mańyzy bar avtomobıl joldarynyń ulttyq operatoryna silteme jasap.
«Respýblıkalyq mańyzdaǵy R-10 «Astana qalasynyń úlken aınalma jolynyń» tórtinshi shaqyrymynda temirjoldyń ústinen ótetin apatty jaǵdaıdaǵy kópir ótkelinde kúrdeli jóndeý jumystary bastaldy. Kúrdeli jóndeý jumystary barysynda jalpy uzyndyǵy 140 metrdi quraıtyn ótkeldiń aralyq qurylymdary men barlyq tirek bólikteri jáne t.b. bólshekteledi, sodan keıin mamandar burǵylaý qadalaryn quıý, tirek bólikteri men arqalyqtardy montajdaý boıynsha jumystarǵa kirisedi»,-delingen habarlamada.
Kópir ótkeliniń qurylys jobasy aıasynda sońǵy birneshe jylda tirkelgen joǵary qozǵalys qarqyndylyǵy eskerildi. Bul kórsetkish táýligine 15 myńnan astam kólikti qurap otyr. Kúrdeli jóndeý jumystary eki aýysymda júrgizilýde, 30 arnaıy tehnıka men 70-ke jýyq maman jumyldyryldy.
Kópir ótkelindegi kúrdeli jóndeý jumystary R-10 trassasynyń ótkizý qabiletin arttyryp qana qoımaı, bolashaqta kólikter men poıyzdardyń qozǵalys qaýipsizdigin qamtamasyz etýge de septigin tıgizbek.
Foto: t.me/qazavtojol
