Astana mańyndaǵy kúre jolda oryn alǵan kólik apatynda tórt adam jaraqat aldy
ASTANA. 30 jeltoqsan. QazAqparat - Aqmola oblysynda eki kóliktiń soqtyǵysýy nátıjesinde tórt adam aýrýhanaǵa jatqyzyldy,
dep habarlaıdy oblystyq ІІD-niń Jol polıtsııasy basqarmasynyń baspasóz qyzmeti.
Vedomstvo málimetteri boıynsha, apat Astana-Petropavl tasjolynyń 28-shaqyrymynda, tańerteńgi saǵat 9-dar shamasynda, 29 jeltoqsan kúni oryn aldy.
«Astanaǵa bet alǵan Hıýndaı shaǵyn avtobýsynyń júrgizýshisi jol qaýipsizdigin qamtamasyz etpedi. Kórý múmkindigi nashar, aýa raıynyń qolaısyz jaǵdaıynda ol óz aldynda avtókólikterdiń keptelisinde toqtap turǵan «Folksvagen Transporter» avtokóligimen soqtyǵysqan», - delingen habarlamada.
Apat nátıjesinde «Folksvagen Transporter» kóliginde bolǵan tórt jolaýshy, sonyń ishinde 4 jastaǵy bala jabyq bas súıek-mı zaqymy, mıdyń shaıqalýy dıagnozdarymen medıtsınalyq mekemege jetkizildi.
Oqıǵaǵa qatysty tergeý júrgizilýde.
