Astana mańyndaǵy Qoıandy aýylynda jańa meshit ashylady
ASTANA. 12 maýsym. QazAqparat - 14 maýsym kúni Astana qalasynyń mańyndaǵy Qoıandy aýylynda jańa meshittiń saltanatty ashylýy bolady.
Osy aýyldyń keregesin qalap, búgingideı irgeli elge aınalýyna eńbegi sińgen «Jańa qadam» qoǵamdyq birlestigi jańa meshittiń salynýyna da sebepker boldy. Qazaqstan musylmandar dinı basqarmasynyń ıeligine ótken bul ǵıbadathanaǵa taǵaıyndalar ımamdy atalǵan basqarma arnaıy ákelip tanystyrady.
Kópshiliktiń zaryǵa kútken kúniniń biri meshittiń saltanatpen ashylyp, jamaǵattyń paıdalanýyna berilýi desek, aldaǵy qasıetti juma qalyń qaýymdy sol jaqsylyqtyń qýanyshyna ortaqtasýǵa shaqyryp otyr.
Ataýly sharaǵa Qazaqstan musylmandar dinı basqarmasy men Aqmola oblystyq dinı basqarmasynyń ókilderi, Qoıandy eldi mekeniniń ákimshilik tutqasy bolǵan Tselınograd aýdanynyń basshylardy qatysady dep kútilýde.
Meshittiń saltanatty ashylýynan keıin shaǵyn as berý josparlanǵan. Kelemin deýshilerge esik ashyq.
