Astana mańyndaǵy Qosshy qalasynda mektep tapshylyǵy qashan sheshiledi
Vıtse-premer atap ótkendeı, 2019 jyldyń sáýir aıynda Memleket basshysy Qosshy qalasyn odan ári damytý, onyń ishinde úsh aýysymdy mektepter máselesin sheshý jóninde naqty tapsyrmalar berdi.
Qazirgi ýaqytta qala halqynyń sany shamamen 65 myń adamdy quraıdy. Bul oblystyq mańyzy bar qarqyndy damyp kele jatqan qalalardyń biri. Bul rette halyqtyń jyl saıynǵy ósýi áleýmettik ınfraqurylymǵa aıtarlyqtaı júkteme túsiredi.
Qalada jobalyq qýaty 3,7 myń oryndyq 3 mektep jumys isteıdi. Alaıda, qazir olarda 6,8 myń oqýshy bilim alady. Oryn tapshylyǵy 3,1 myń oryndy quraıdy. Úsh aýysymdy oqytýdy joıý úshin 3 mekteptiń qurylysy júrip jatyr.
Málim etilgendeı, bıylǵy 1 qyrkúıekte jańa mektep paıdalanýǵa beriledi. Bul oqýshy oryndarynyń tapshylyǵyn 77% tómendetýge múmkindik beredi.
E. Toǵjanov 1200 oryndyq taǵy bir mekteptiń qurylysyn jedeldetýdi tapsyrdy, ony jyl sońyna deıin iske qosý josparlanǵan. Bul mektep «Lesnaıa polıana» turǵyn alabynda ornalasqan negizgi mektepke júktemeni azaıtady, onda 4,6 myń bala oqıdy (jobalyq qýaty 2,4 myń oryn). Aqmola oblysynyń ákimi Ermek Marjyqpaev Premer-Mınıstrdiń orynbasaryna kelesi jyly taǵy 2 mektep iske qosylatynyn, onyń bireýi jeke ınvestıtsııa esebinen salynatynyn habarlady.
Qosshy qalasynyń mektepterinde úsh aýysymdy oqytý máselesi 2023 jyldyń 1 qyrkúıegine deıin tolyq sheshiletin bolady.
«Memleket basshysy oqý oryndarynda jaıly jaǵdaı jasaýdy tapsyrdy. Ony iske asyrý úshin Úkimet úsh aýysymda oqytatyn mektepterde eki aýysymdyq oqytý formatyna kóshý máselelerin sheshýde. Jyl sońyna deıin Qosshy qalasynda másele óz sheshimin tabady», — dep atap ótti E.Toǵjanov.
Sondaı-aq Premer-Mınıstrdiń orynbasary jańa qala tarıhyndaǵy bir aýysymda 100 adam qabyldaıtyn birinshi zamanaýı qalalyq emhanada boldy. Ol 2022 jyldyń úshinshi toqsanynda paıdalanýǵa beriledi jáne onyń ashylýyn qala turǵyndary asyǵa kútýde. Emhana zamanaýı medıtsınalyq jáne zerthanalyq jabdyqtarmen jabdyqtalǵan jáne dárigerlermen, medbıkelermen qamtamasyz etilgen.
Sonymen qatar vıtse-premer polıtsııa bóliminiń jańa ǵımaratyndaǵy qaýipsizdik jáne quqyq tártibin qorǵaýdy monıtorıngileý júıesimen tanysty. Jańa polıtsııa korpýsy barlyq qajetti jabdyqtarmen, sonyń ishinde baqylaý jáne tártiptiń saqtalýyn baqylaý monıtorlarymen jabdyqtalǵan.
Sapar qorytyndysy boıynsha E. Toǵjanov Aqmola oblysynyń ákimdigine Oqý-aǵartý jáne Densaýlyq saqtaý mınıstrlikterimen birlesip, mektep pen emhanany pedagogıkalyq jáne medıtsınalyq personaldarmen tolyqtyrýdy aıaqtaýdy, sondaı-aq bilim berý jáne densaýlyq saqtaý obektilerin qajetti jabdyqtarmen jáne múlikpen tolyq jaraqtandyrýdy qamtamasyz etýdi tapsyrdy.
Foto: primeminister.kz
