Astana mańyndaǵy Qosshy eldi mekeniniń ınjenerlik kommýnıkatsııalyq jaǵdaıyn damytý jumystary júrip jatyr - S. Nokın
STANA. Shildeniń 14-i. QazAqparat /Rýslan Ǵabbasov/ - Elorda mańyndaǵy Qosshy eldi mekeniniń ınjenerlik kommýnıkatsııalyq jaǵdaıyn damytý jumystary júrip jatyr.
Bul týraly búgin Astanada Qurylys isteri jáne turǵyn úı-kommýnaldyq sharýashylyq agenttiginiń tóraǵasy Serik Nokın málim etti.
«Astana mańyndaǵy eldi mekenderge kommýnıkatsııa tartyla ma?», degen saýalǵa S. Nokın, «bizde turǵyn úı qurylysy boıynsha memlekettik baǵdarlama bar. Osy baǵdarlama aıasynda tek elorda mańyn ǵana emes, sonymen qatar barsha óńirlerdi, ıaǵnı ınjenerlik kommýnıkatsııany damytýǵa jyl saıyn 30 mıllıard teńge bólinedi. Naqty Aqmola oblysy boıynsha shamamen 1,8 mıllıard teńge ınjenerlik jelige jaratylady»,-dep jaýap qaıtardy.
Onyń aıtýynsha, qala mańyndaǵy Qosshyǵa qurylys jumystary men basqa da ınfraqurylymǵa sońǵy jyldary 8 mıllıard teńgege jýyq qarjy bólindi. Basqa eldi mekenderde Astana boıynsha ınvestıtsııa tartylyp, osy júıeler damýda. Atap aıtqanda, jergilikti atqarý organdary tıisti qarjyny qaı eldi mekenderge bólý kerektigin ózderi anyqtaıdy.
