Astana mańyndaǵy kentterge avtobýs jıi qatynaıtyn boldy
ASTANA. QazAqparat - Astana mańyndaǵy aýlydarǵa qatynaıtyn №316 baǵdardyń júrý kestesi ózgerdi, dep habarlaıdy QazAqparat.
«Qurmetti Jaltyrkól jáne Jibek Joly aýyldarynyń turǵyndary. Sizder úshin jaǵymdy jańalyqtarymyz bar. №316 baǵdardyń qozǵalys ıntervaly burynǵydan jıirek bolmaq.
Saǵat 15:00-de Astanadan jáne 17:05-te Jaltyrkólden 2 qosymsha reıs qosyldy. Saǵat 18:00-de Astanadan júretin avtobýstyń júrý ýaqyty 20 mınýtqa jyljydy. Reıs 18:20-da júretin bolady. Atalǵan jańa kestemen baǵdar 2018 jyldyń 17 qarashasynan bastap qatynaıdy», - delingen Astana LRT Feısbýktegi paraqshasynda.
Aımaqtyq avtobýstardyń júrý kestelerin 109 nómiri arqyly (qońyraý shalý tegin) nemese @astanalrt Instagram paraqshasynan kórýge bolady.
