Astana mańyndaǵy Ilınka kentinde júk kóligi basyp ketken 2 jasar bala mert boldy
ASTANA. QazAqparat - Astana qalalyq Іshki ister departamenti Ilınka kentindegi úıdiń aýlasynda kóliktiń balany basyp ketýi faktisi boıynsha sot aldy tergeý júrgizýde.
«30 mamyrda saǵat 16.30-da Ilınka kentinde «GAZ-53» kóliginiń júrgizýshisi úı aýlasynda 2013 jyly týylǵan balany basyp ketti. Aýyr dene jaraqattary saldarynan bala «jedel járdem» kóliginde kóz jumdy», delingen Astana qalalyq ІІD-niń habarlamasynda. Bul fakti biryńǵaı sot aldy tergeý tizilimine «abaısyzda kisi ólimine ákelgen jol qozǵalysy erejesin buzý» QR QK 345-baby 3-bóligi boıynsha engizildi. Qajetti saraptama taǵaıyndalyp, tergeý amaldary júrgizilýde. Kúdikti sol kúni ustalyp, ýaqytsha ustaý oqshaýlaǵyshyna qamaldy. 1 maýsymda Astana qalasy Esil aýdanynyń №2 soty júrgizýshige qatysty «úı qamaǵy» túrinde bultartpaý sharasyn qabyldady. Tergeý júrgizilýde.
