Astana mańyndaǵy eldi mekenderge jańa baǵdarmen 11 qoǵamdyq kólik qatynaıtyn boldy
ASTANA. QazAqparat - 29 tamyzdan bastap Astana qalasynda qoǵamdyq kólikterdiń 20 baǵdary ózgertiledi. Bul modernızatsııa úlgisin aldyn-ala bekitilgen josparǵa sáıkes Astana qalasy Jolaýshylardy tasymaldaý jáne avtomobıl joldary basqarmasy men "Astana LRT" JShS birlese júzege asyryp jatyr, dep habarlaıdy astana.gov.kz.
Basty maqsat - baǵdarlar jelisin jaqsartý, jolaýshylarǵa kórsetiletin qyzmet sapasyn arttyrý, qaıtalanatyn qozǵalys joldaryn úılestirý. Astana qalasy baǵdarlar jelisiniń tujyrymdamasymen halyqaralyq TYPSA kompanııasy keńesshilerimen birigip jetildirildi. Sarapshylar eski baǵdarlar jelisin saralap, jolaýshylar aǵymyn zerttep, aýqymdy saýalnama júrgizdi. Nátıjesinde, jańa modernızatsııalanǵan baǵdarlar jelisi elordanyń turǵyndary men qala qonaqtarynyń 85 paıyzyn qanaǵattandyratyny anyqtaldy. Qalalyq baǵdarlarmen qatar, Astana qalasynda 11 jańa qala mańyndaǵy eldi mekenderge qatynaıtyn qosymsha marshrýttar engizilmek: Astana - Aqmol marshrýty № 300, Astana - Qosshy № 303, Astana - Lesnaıa polıana № 301, Astana - Taıtóbe № 302, Astana - Jibek joly № 304, Astana - Qaraótkel № 305, Astana - Talapker № 306, Astana - Qoıandy № 307, Astana - Qabanbaı batyr № 308, Astana - Qoshqarbaev № 309, Astana - Maksımovka № 310. Qala mańyndaǵy baǵdarlar quny bir shaqyrymǵa 6,6 teńgeni quraıdy. Sonymen qatar dıspetcherlik qyzmettiń jańa júıesi engiziledi dep josparlanǵan.
