Astana mańyndaǵy eldi mekenderge jańa baǵdar boıynsha 6 avtobýs qatynaıtyn boldy
ASTANA. QazAqparat - 3 qazannan bastap, Astanada qala mańynda qatynaıtyn 6 avtobýs baǵdary iske qosylady. Bul týraly búgin jýrnalısterge arnalǵan baspasóz məslıhatynda «Astana LRT» kompanııasynyń baspasóz hatshysy Aıgúl Jamalova məlim etti.
«3 qazannan bastap, Astanada qala mańynda qatynaıtyn 6 avtobýs baǵdary iske qosylady. Qala mańynda qatynaıtyn jańa avtobýstar Taıtóbe, Qosshy, Jibek joly, Talapker, Qoıandy, Vozdvıjenka kentterine barady»,-dep habarlady A.Jamalova. ıAǵnı, erteńnen bastap, Astana-Taıtóbe arasynda nómiri 302 avtobýs (jolaqy mólsheri 150 teńge), Astana-Qosshy arasynda 303 avtobýs (jolaqy 130 teńge), Astana-Jibek joly arasynda 304 avtobýs (jolaqy 160 teńge), Astana-Talapker arasynda 306 avtobýs (jolaqy 120), Astana-Qoıandy arasynda 307 avobýs (jolaqy 100 teńge), Astana-Vozdvıjenka arasynda 311 avtobýs (jolaqy 140 teńge) júretin boldy.
Qala mańyndaǵy avtobýstardyń jolaqysy buryn birdeı bolatyn. Bul ózgerister týraly aıta kele, kompanııanyń baspasóz hatshysy sondaı-aq qala mańyndpǵy avtobýstarda tek 15 jasqa deıingi balalar jeńildikpen júretinin jəne aılyq jolaqy bıleti jaramsyz ekenin jetkizdi.
«Atalǵan baǵdarlarda jolaqy mólsheri Investıtsııa jəne damý mınıstrligimen bekitilgen esepteý ədistemesine saı belgilendi. Osy ədistemege saı, bir shaqyrym jolǵa 6,6 teńge shaqtalyp otyr. Qala mańynda qatynaıtyn baǵdarlarda jeńildigi bar azamattardyń jeńildikpen júrýi qarastyrylmaǵan. Sondaı-aq, aılyq jolaqy bıletteri de jaramsyz. Tek, 15 jasqa tolmaǵan oqýshylar úshin 50 paıyzdyq jeńildik qarastyrylǵan»,-dep məlim etti A.Jamalova.
