Astana mańyndaǵy eldi mekenderde densaýlyq aktsııasy bastaldy
ASTANA. QazAqparat - 13-17 shilde kúnderi saǵat 10:00-16:00 aralyǵynda elorda irgesindegi Kóktal kentinde jyl saıynǵy "Densaýlyq joly" keń aýqymdy sharasy ótedi, dep habarlaıdy astana.kz.
Aktsııa aıasynda densaýlyq saqtaý mamandary atalmysh kent turǵyndaryna keńester berip, áleýmettik mańyzy bar aýrýlardyń aldyn alý boıynsha qajetti is-sharalardy ótkizip, tıisinshe turǵyndardy dıspanserlik baqylaýǵa alady. Eske sala keteıik, jyl saıyn 1 shilde men 31 tamyz aralyǵynda elimizde "Densaýlyq joly-2015" keń aýqymdy sharasy ótkiziledi. Sharanyń basty maqsaty - aýyl turǵyndaryna qajetti medıtsınalyq kómek kórsetý jáne salaýatty ómir saltyn nasıhattaý bolyp tabylady.
