Astana mańyndaǵy bógettiń buzylǵandyǵy týraly habarlama jalǵan - TJK
ASTANA. QazAqparat - Astana turǵyndary men qonaqtaryna belgisiz bireýler WhatsApp messendjeri boıynsha áýejaıǵa jáne qalaǵa jaqyn kentterge bıiktigi 10 metrlik tolqyn kele jatqany týraly habarlama jibergen. ІІM TJK bul aqparatty jalǵan ekendigin málimdedi, dep habarlaıdy «QazAqparat» HAA.
Messendjer arqyly taralǵan aýdıohabarlamada er adamnyń daýysymen bógettiń buzylǵany, qala ákimi qutqarý jumystaryna adamdar men tehnıka bólý úshin uıymdardy jınaǵanyn aıtady. Habarlamada áýejaı, Rojdestvenka, Qosshy eldi mekenderiniń turǵyndaryn saq bolýy, oqys oqıǵaǵa daıyn bolýy kerektigi eskertilgen.
Eske sala ketsek, qoǵamdyq tártipti buzý nemese azamattardyń ne uıymdardyń quqyqtary men zańdy múddelerine ne zańmen qorǵalatyn qoǵam nemese memlekettiń múddelerine eleýli zııan keltirý qaýpin týdyratyn kórineý jalǵan aqparat taratqany úshin 5000 AEK aıyppul salynady ne 2-den 5 jylǵa deıin túzeý jumystaryna tartylady ne sol merzimge bas bostandyǵy shektelýi múmkin.
