Astana mańyndaǵy azyq-túlik beldeýi boıynsha 75 joba júzege asady

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Aqmola oblysynyń ákimi Qosman Aıtmuhametov málimdedi.

Oblys ákiminiń sózine qaraǵanda, qazirgi tańda atalǵan baǵytta 17 mlrd. teńge shamasyndaǵy 19 joba júzege asyryla bastaǵan. «Jalpy, júzege asqan jobalar arqyly jyl sońyna deıin Astana qalasy halqynyń etke qajettiligin - 46 paıyzǵa, sút pen sút ónimderine - 41 paıyz, jumyrtqaǵa -100 paıyz, kartopqa 80 paıyz qamtamasyz etýge múmkindik jasalatyn bolady», - deıdi oblys ákimi.