Astana mańyndaǵy avıatsııalyq bazada dıversııaǵa qarsy jattyǵý ótti
Táýliktik narıad jeke quramy úshin shartty túrdegi bandy tobynyń bólimdegi kúzetiletin nysandarǵa shabýyldaýy kútpegen jaǵdaıdan bastaldy.
Dıversııaǵa qarsy qaýipsizdik jónindegi nusqaýlyq-ádistemelik sabaqtardyń jospary boıynsha táýliktik narıad qolda bar kúsh-quraldarymen shartty túrdegi urysty qabyldap, qarsylastyń shabýylana toıtarys bere otyryp, rezervtegi qaraýyl toby men kezekshi bólimshe kelgenshe ýaqyt utýy qajet boldy.
Oqý daıyndyǵy barysynda bólim boıynsha kezekshiniń tájirıbelik is-qımyldary jaýyngerlik eseptopqa sáıkes dabyl boıynsha táýliktik narıadtyń jedeldigi máseleleri pysyqtaldy. Jattyǵýda maıor Asylbek Jaqypbekov, kapıtandar Nurtas Ahmetbekov, Amangeldi Sultashev jáne qatardaǵy jaýynger Mirtas Rahymbaevtardyń úılesimdi jáne naqty is-qımyldary atap ótildi.