Astana mańyndaǵy aýyldarǵa qatynaıtyn birqatar avtobýstar qozǵalysy toqtatyldy
ASTANA. QazAqparat - Astana mańyndaǵy aýyldarǵa qatynaıtyn avtobýstar qozǵalysy toqtatyldy, dep habarlaıdy QazAqparat Astana LRT kompanııasynyń Feısbýktegi paraqshasyna silteme jasap.
«Aýa raıynyń qolaısyzdyǵyna baılanysty № 307 jáne №317 qala mańyna qatynaıtyn baǵdarlardyń qozǵalysy toqtatylady», - delingen habarlamada.
Kompanııa turǵyndarǵa barynsha saq bolyp, aıazda tońyp qalmaýdy, barar joldarynan aldyn ala oılastyryp alýdy suraıdy.
«Qozǵalystyń qalpyna keltirilgendigi jaıynda qosymsha habarlaıtyn bolamyz. Qoǵamdyq kólikke qatysty jańalyqtardy kompanııanyń áleýmettik jelidegi paraqshalarynan nemese saıtynan bile alasyzdar», - delingen habarlamada.
Eske sala ketsek, aýa raıynyń qolaısyzdyǵyna baılanysty Astanadan Pavlodarǵa, Kókshetaýǵa jáne Atbasarǵa shyǵatyn joldar jabyldy. Sonymen qatar qalada birinshi jáne ekinshi aýysymdaǵy oqýshylarǵa sabaq ótkizilmedi.
