Astana mańyndaǵy aýyldarǵa qatynaıtyn avtobýstar toqtatyldy
ASTANA. QazAqparat - Qatty aıazǵa baılanysty Astana mańyndaǵy aýyldarǵa qatynaıtyn ekspress avtobýs baǵdarlary toqtatyldy, dep habarlaıdy QazAqparat Astana LRT kompanııasyna silteme jasap.
«Aýa raıynyń qolaısyzdyǵyna baılanysty qala mańyna qatynaıtyn № 300, 305, 308, 309, 312, 315, 317 baǵdarlardyń qozǵalysy ýaqytsha toqtatyldy. Sonymen qatar № 301, 302, 303, 304, 306, 307, 310, 311, 313, 316, 318, 320 baǵdarlardyń qozǵalysy jalǵasýda», - delingen habarlamada.
Jolaýshy tasymaldaý kompanııasy turǵyndarǵa barynsha saq bolyp, tońyp qalmaýdy, baratyn jerin aldyn ala oılastyryp alýdy suraıdy.
Avtobýstyń qozǵalysy qalpyna keltirilgendigi jaıynda qosymsha habarlanatyn bolady.
Astanadaǵy qoǵamdyq kólikke qatysty jańalyqtardy kompanııanyń áleýmettik jeledegi paraqshalarynan nemese alrt.kz saıtynan bilýge bolady.
