Astana mańyndaǵy aýyldarǵa qatynaıtyn avtobýstar qozǵalysy toqtatyldy
ASTANA. QazAqparat - Qolaısyz aýa raıyna baılanysty (boran, kóktaıǵaq) Astana mańyndaǵy aýyldarǵa qatynaıtyn ekspress avtobýs baǵdarlary ýaqytsha toqtatyldy, dep habarlaıdy QazAqparat Telegramdaǵy Smart Astana paraqshasyna silteme jasap.
«Astana-Pavlodar», «Astana-Qostanaı» baǵytyndaǵy joldyń jabylýyna baılanysty qala mańyna qatynaıtyn № 306, 307, 310, 311, 317, 319 avtobýstardyń qozǵalysy ýaqytsha toqtatyldy.
Sonymen qatar, «Astana-Qaraǵandy» baǵytyndaǵy joldyń jabylýyna baılanysty qalamańyndaǵy aýyldarǵa qatynaıtyn № 313, 315, 316, 318 avtobýs baǵdarlary da toqtatyldy.
Avtobýstardyń júrýine qatysty aqparat qosymsha habarlanady. Málimetterdi Astana LRT kompanııasynyń Feısbýktegi jáne Instagramdaǵy paraqshasynan, alrt.kz saıtynan bilýge bolady.
Eske sala ketsek, Astanadan shyǵatyn birqatar joldyń jabylǵanyn habarlaǵan bolatynbyz.
