Astana mańyndaǵy aýyldarǵa qatynaıtyn 7 avtobýs baǵdary toqtatyldy
ASTANA. QazAqparat - Aýa raıynyń qolaısyzdyǵyna baılanysty qala mańyna qatynaıtyn № 300, 305, 308, 309, 312, 315, 317 baǵdarlarynyń qozǵalysy ýaqytsha toqtatyldy, dep habarlaıdy QazAqparat Astana LRT kompanııasyna silteme jasap.
Qazir № 301, 302, 303, 304, 306, 307, 310, 311, 313, 316, 318, 320 baǵdarlar boıynsha jolaýshy tasymaldaý júrgizilýde.
Kompanııa, turǵyndarǵa qatty aıazǵa baılanysty barynsha saq bolýdy, tońyp qalmaýdy, baratyn jerdi aldyn ala josparlap alýdy suraıdy.
Qozǵalystyń qalpyna keltirilgendigi jaıynda qosymsha habarlanatyn bolady.
Astana qalasynyń qoǵamdyq kóligine qatysty jańalyqtardy kompanııanyń áleýmettik jelidegi paraqshalarynan jáne alrt.kz saıtynan bilýge bolady.
