Astana mańyndaǵy áskerı bólimde iri órt boldy
ASTANA. QazAqparat - QR Qorǵanys mınıstrliginiń 68665 áskerı bóliminde (Aeroutqyr áskeriniń 36-shy desanttyq-shabýyldaý brıgadasy) úlken órt boldy, dep habarlaıdy QazAqparat.
«6 qazan kúni saǵat 10:12-de «101» nomerine «Temirjolshy» turǵyn úı alqaby aýdanyndaǵy №68665 áskerı bóliminde avtokólik dóńgelekteri órtenip jatqany týraly aqparat tústi. Kezekshi top órt ornyna jetken kezde, saǵat 10:22-de 300 sharshy metr aýmaqta rezeńke-tehnıkalyq jabdyqtar men áskerı bólimniń oq atyp jattyǵatyn tırlarynyń aǵashtary janyp jatqan. Órt 13:23-te aýyzdyqtalyp, saǵat 13:55-te tolyq sóndirildi»,-dep habarlady QazAqparat agenttigine Astana qalalyq Tótenshe jaǵdaılar departamentiniń baspasóz qyzmetinen.
Qazir órttiń sebebi anyqtalyp jatyr. Ázirge Qorǵanys mınıstrliginiń baspasóz qyzmetimen jáne áskerı bólimniń jaýapty tulǵalarymen habarlasý múmkin bolmaı otyr.
