Astana mańyndaǵy Aqmol aýylynda Alash ardaqtylaryna arnalǵan baq salynady
ASTANA. 25 qańtar. QazAqparat /Arman Asqarov/ - Astana mańyndaǵy Aqmol aýylynda «Alash baǵy» ashylady.
Bul týraly búgin jýrnalısterge suhbat bergen murajaı dırektory Bolat Júnisbekov málim etti.
Baq atalmysh aýylda ornalasqan saıası qýǵyn-súrgin qurbandarynyń «Aljır» memorıaldy-murajaıy kesheniniń janynan oryn teppek.
B.Júnisbekovtyń habarlaýynsha, joba úshin murajaı janynan 2 gektarǵa jýyq jer bólindi. Kúzde bul aýmaqqa aǵash otyrǵyzý jumystary bastalady.
«Bıyl Alash úkimetiniń qurylǵanyna 95 jyl toldy. Osyǵan oraı, biz murajaı janynan «Alash baǵyn» ashýdy uıǵardyq. Qazirgi kezde biz ol jerdi qorshaı almaı otyrmyz. Sol másele ǵana qıyndyq týǵyzyp otyr. Alash baǵynda biz qazaq halqynyń darhan dalasynyń kórinisterin qoıýdy josparlaýdamyz», - deıdi B.Júnisbekov.
