Astana mańyndaǵy 4 eldi mekende iri sport nysandary salynady
NUR-SULTAN. QazAqparat – Nur-Sultan qalasy mańyndaǵy Óndiris, Kóktal, Úrker, Jeleznodorojnyı̆ kentterinde iri sport nysandary salynady. Bul týraly elorda ákimi Altaı Kólginov aıtty, dep habarlaıdy QazAqparat.
«Elordany «Nur-Sultan-jaı̆ly qala« master-josparynyń tujyrymdamasy aıasynda damytýdamyz. Aýdandardy damytýdy polıortalyq kontseptsııasyna kóshirdik, bul – bilim berý, medıtsına, demalys oryndary jáne ózge de nysandar turǵyndarǵa qolsozym jerde bolýy úshin jasaldy.
Eldi meken turǵyndarymen kezdesý barysynda olar sportpen shuǵyldanýǵa, bos ýaqytyn ótkizýge arnalǵan oryndar salýdy suraǵan.
Bıyl Óndiris, Kóktal, Úrker (Ilınka), Jeleznodorojnyı̆ eldi mekenderinde iri dene shynyqtyrý-saýyqtyrý keshenderin salamyz. Keshenderde sportpen aı̆nalysýǵa arnalǵan kabınetterden basqa (basketbol, voleı̆bol, ústel tennısi, trenajer zaly, kúres, boks) - polıtsııa beketteri, poshta bólimsheleri, egde jastaǵy turǵyndarǵa arnalǵan klýbtar, HQKO jáne taǵy basqa nysandar ornalasady. Dene shynyqtyrý-saýyqtyrý keshenderi tegin bolady», - dep jazdy A.Kólginov Instagram-da.
Qala basshysy atap ótkendeı, byltyr Nur-Sultan qalasynda 760 myń sharshy metrden astam aýla abattandyryldy: bul 150-den astam aýla jáne 60 qoǵamdyq keńistik.
«Qalanyń eski bóligine, sondaı̆-aq buryn bos, qaraýsyz qalǵan jerlerge basa nazar aýdaryldy. Osylaı̆sha, elorda kartasynda jańa oshaqtar paı̆da boldy. Bıyl olardy ulǵaı̆tý boı̆ynsha jumysty jalǵastyramyz.
Sondaı̆-aq, kóktemnen bastap qalany kógaldandyrýdy erekshe nazarda ustaýdy jalǵastyra beremiz. Megapolıste ekoaı̆maqtar barynsha kóp bolýy tıis», - dedi ol.
