Astana mańynda kólemi boıynsha Býrabaı kólderinen segiz esege artyq sý qoımasy paıda bolady
ASTANA. 7 qazan. QazAqparat - QR Qorshaǵan ortany qorǵaý mınıstrligi jylyna bir mıllıard tekshe metr sýdy tasymaldaýǵa qaýqarly iri sý arnasynyń qurylysyn qarastyryp otyr. Bul jaıynda búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda atalǵan mınıstrliktiń basshysy Nurlan Qapparov málim etti.
Mınıstrdiń sózine qaraǵanda, bul joba tórt jańa sý qoımasyn salýǵa múmkindik beredi. Onyń biri Sofıevka sý qoımasy Astanadan 30 shaqyrym jerde ornalasýy múmkin. Buǵan 2 mlrd. tekshe metrge deıin sý jınalady. Atap aıtqanda N. Qapparov bul kól elordanyń mıkroklımatyn jaqsartýǵa septigin tıgizetindigin sóz etti.
«Máselen, salystyrmaly túrde alsaq, Býrabaı kýrorttyq aımaǵyndaǵy barlyq úsh kóldiń sý kólemi 300 mln. tekshe metrge teń. Al Astana mańyndaǵy kól segiz esege jýyq kólemde artyq bolady», - dedi vedomstvo basshysy.
Buǵan qosa ózge úsh sý qoımasy da osyndaı kólemdi qamtymaq. Sonymen qatar 30 eldi meken sýmen tolyq qamtamasyz etiledi.
