Astana mańynda qazaqtyń qumaı tazysynyń baıqaýy bastaldy
ASTANA. QazAqparat - Búgin Astana qalasy mańynda ornalasqan «Balqaraǵaı» demalys kesheninde qazaq qumaı tazylarynyń respýblıkalyq baıqaýy bastaldy.
««Qansonar» qaýymdastyǵy qazaq tazy ıtteriniń shyǵý tegi Qazaqstan aýmaǵynan taraǵanyn dáleldemek. Sonymen birge, naǵyz qazaqy qumaı tazy ólshemine tolǵan tazy ıtterdi iriktep, sertıfıkat bermek»,-delingen taratylǵan málimette.
Іs-shara aıasynda tazy ıtterdiń kórmesi, tazy ıtterdiń jarysy, búrkitterdiń básekesi, sonymen birge, kontserttik baǵdarlama kórermen nazaryna usynylady.
Uıymdastyrýshylar baıqaýdy «Balqaraǵaıda» ótkizýdi uıǵardy. Sebebi, demalys kesheniniń ornalasqan jeri men kólemi yńǵaıly, ári mundaı isharany uıymdastyrýǵa ınfaqurylymy saı keledi.
Bul baıqaý búgin Qazaqstannyń barlyq aýmaǵynan tazy ósirýmen aınalysatyndar jınalady. Sharanyń maqsaty - qazaq halqynyń ıgiligi men tarıhı-mádenı murasynyń bir bóligi bolyp tabylatyn qazaq tazysyn saqtap qalý jáne ony barynsha tanystyryp, nasıhattaý. Іs-sharany QR Ulttyq sport túrleri qaýymdasyǵyna qarasty «Qumaı» federatsııasy men Respýblıkalyq «Qansonar» qaýymdastyǵy birlese uıymdastyrdy.
